ජනාධිපති, අගමැති, විපක්ෂ නායක, හිටපු ජනපති ඇතුළු ආණ්ඩුවේ ස්වාධීන කණ්ඩායම් නියෝජනය කරන පක්ෂ නායකයින් සහ ශ්‍රී ලංකා නීතිඥ සංගමය අතර විශේෂ සාකච්ඡා කිහිපයක් පැවැත්විමට නියමිතව තිබේ.

ශ්‍රී ලංකා නීතිඥ සංග‍මයේ සභාපති ජනාධිපති නීතිඥ සාලිය පීරිස් මහතා සඳහන් කළේ , සිය සංගමය ඉදිරිපත් කර තිබෙන යෝජනා මාලාව පිළිබඳව මෙම සාකච්ඡාවලදී අවධානය යොමු කිරීමට අපේක්ෂා කරන බවයි.

ඒ අනුව අද (08) දිනයේදී ජනාධිපති ගෝඨාභය රාජපක්ෂ, විපක්ෂ නායක සජිත් ප්‍රේමදාස හා හිටපු ජනාධිපති මෛත්‍රීපාල සිරිසේන ඇතුළු ආණඩුවෙන් ස්වාධීන වූ පක්ෂ නායකයින් සහ ශ්‍රී ලංකා නීතිඥ සංගමයේ නියෝජිතයින් අතර සාකච්ඡා පැවැත්වීමට නියමිතව තිබේ.

මෙරට දේශපාලන සහ ආර්ථික ස්ථාවරත්වය ඇති කිරීම සඳහා යෝජනා 13 ක් පසුගියදා ශ්‍රී ලංකා නීතිඥ සංගමය ඉදිරිපත් කළේ.

සමගි ජන බලවේගය ප්‍රමුඛ සමගි ජන සන්ධානය ඊයේ (07) තීරණය කළේ රට තුළ පවතින අර්බුදය විසදීම සඳහා ශ්‍රී ලංකා නීතිඥ සංගමය විසින් ඉදිරිපත් කරන ලද යෝජනා මාලාව මත පදනම් වූ ජාතික වැඩ සටහනකට සහය ලබා දීමටය.

මේ අතර විපක්ෂ නායක සජිත් ප්‍රේමදාස මහතා සහ හිටපු ජනාධිපති මෛත්‍රීපාල සිරිසේන මහතා ඇතුළු ස්වාධින මන්ත්‍රි කණ්ඩායමේ පක්ෂ නායකයින් අතර සාකච්ජාවක් අද (08) දිනයේ පැවැත්විමට නියමිතව තිබේ.

Leave a Reply

Your email address will not be published.